Liabi Ursi

Scho wo miar di zersta Mal im Sertig troffa hend, bisch du üs sofort sympathisch gsi. Dini liab, ufgstellt und offa Art het üs überzügt und miar hend gwüsst, dass üsi Trauig einzigartig wird, wenn du an üsara Sita bisch. Und so isches au worda. A super Vorbereitigszit hend miar mit diar törfa erleba. Hend viel zema glacht, hesch üs unterstützt bir Ritualsuachi und perfekti Ergänziga und Ideea ibracht, wia miar dTrauig gstalta chönd.

Au bir Musiguswahl hesch du üs dini Erfahriga mit uf da Wäg gä. Üsi Gschicht hesch du perfekt verpackt, mit liaba Wort und mit dr richtiga Prisa Humor. "No nia hend miar sona schöni Trauig erlebt, mit so viel Herzlichkeit, so persönlich und so einzigartig", das isch dRückmäldig vo üsna Gescht, wo miar zu 100% beschtätiga chönd. Miar hend üs so wohl gfühlt, hend Träna vergossa und Träna glacht, vo Herza Danka viel, viel mal!

​