Liebi Ursi

 

Dor gueti Frönde händ mer eus döffe «per Zuefall» kenne lerne.

 

För eus esch sofort klar gsi, dass du eusi Traurednerin söllsch wärde. Du besch eus vo Afang a grad mega sympatisch gsi, ond mer händ gwösst, dass da, wo mer eus vorstelled för eusi Trauuig, du eus met dim Stil ermögliche wirsch. 

 

Dini offeni und liebevolli Art, het eus grad begeisteret. Du besch emmer uf eusi Wönsch igange, hesch eus mega gholfe be allem organisiere ond plane, dass es so werd wie mer eus da vorgstellt händ. 

 

Eus esch es wichtig gsi, das eusi Liebes- ond au die persönlichi Gschicht em Vordergrund stoht, dass au eusi liebschte, eusi Familie ond Fründe integriert sind. Do hesch a eusere Hochziit, vollkomme is schwarze troffe.

 

Au eusi Trauzüüge ond Tätschmeister send mega vo der begeisteret gsi ond händ emmer chöne uf dech zähle. 

 

För eus esch es absolut perfekt gsi, wie du eusi frei Trauuig gstaltet hesch. Es esch sehr persönlich, lostig ond romantisch gsi, so wie mer eus da vorgstellt händ onds zu eus passt hät. Dini Sprüch, Gedicht ond Ritual häsch du perfekt für eus usgläse ond mer händs mega gnosse, vorallem au wärend de Trauuig met euse Trauzüüge chönne azstosse :-P

 

Du häsch euse wichtigschti Tag vollkomme ond onvergässlich gmacht.

 

Danke vell vell mol, vo Herze, för dini velli Ziit (hesch eusi Traured extra i de Toscanaferie gschrebe), dini ufgstellti ond liebivolli Art ond förs für eus do sie.

 

Mer chönd dech allne zuekünftige Bruutpaar wo sech e sehr persönlichi ond uf sie abgstimmti frei Trauuig wönsched vo Herze wiiter empfehle. 

​

​